تركاية كل امتحان

غالبا مفيش مدرس لاي مادة في ثانوية عامة في مصر ماحذرش الطلبة من التركة اللي في اي الامتحان
لازم تكون سمعت اساطير عن التركة دي وأنها بتفرق بين الطالب اللي مذاكر واللي مش مذاكر
تقوم انت بطنك تكركب وتقلق وتخاف لماتقدرش تحل السؤال ده
لحظة من فضلك ...
اولا السؤال ده بيمثل تقريبا 15 % من الامتحانات
حضرتك ممكن تديني سبب واحد مقنع مايتيحش ليك فرصة انك تحل السؤال ده؟
هل مثلا مش مذاكر ؟
هل مثلا مش ذكي كفاية انك تفكر دقيقة في سؤال ؟
هتقوللي توتر اللجنة مثلا ! .... معاك حق
اللجنة هتبقي مختلفة اكيد
بس مش مستحيلة اطلاقا .... اطلاقا :­D
هتقوللي بس في اسألة صعبة مابتتحلش؟
اقوللك انا علي سر...
الأسئلة اللي بتبقي صعبة زيادة والطلبة بتشتكي منها بيتقدم عليها شكاوي من الطلبة ومن الاهالي... في الحالات اللي زي دي حاجة
هتحصل من اتنين
يا اما السؤال يتلغي ودرجته تتوزع وده قليل مابيحصل
يا اما بتاخد درجة علي اللي انت كتبته
يعني حضرتك في امتحانك هتقابل السؤال ده وزمايلك حواليك بيولولوا
ولول معاهم :­D
واشتكي وزعق ازاي يجيبوا سؤال زي ده ! ازااااي!!
اكتب اي حاجة في السؤال
اي خطوات ممكن تقربك للنتيجة حتي لو مش هتوصلك
اي رغي ليه علاقة بالسؤال
كل ده طالما انت وزمايلك متفقين ان السؤال صعب
وتأكد انك لازم هتاخد عليه درجة حتي لو ماحليتهوش طالما كتبت :­D
زيد بقي علي كدة كمان ان في السؤال الصعب ده .... قلب المصححين هيبقي عليك انت وزمايلك :­D
هيبقوا في صفك عشان عارفين ان السؤال ده محدش حله ... فهيكرموك في الدرجة
تجربة حية حصلت معايا السنة اللي فاتت في امتحان الديناميكا .... في امتحانات الرياضة بالذات بتبقي داخل وانت عارف ان في مسألة
مش عارفها :­D
اللي حصل اننا دخلنا لقينا مسألة عارفينها

باقي الامتحان انت حتي مش عارف توظف القوانين في المسائل اصلا ده غير توتر اللجنه
قسما بربي عملت نفس اللي فوق ده
وماسيبتش مسألة ماحليتهاش ... ألفت في كل المسائل
واحلي مسائل مسائل الاثبات :­D
في المسائل دي بما أن اللي هو مديهوني اذا اللي انا عاوزه وشوية رغي في النص :­D
واالله يابني اعلي درجة في الرياضة كانت الديناميكا
فالامتحان الصعب احسن بكتييييهييييير من السهل لعلمك :­D
المهم تعرف تتعامل مع الورقة
مش عايزة اقوللك ان البرود هو شعار المرحلة في الفترة دي
البرود شعار كل مرحلة عشان تعرف تعديها بأقل الخسائر :­D
فحضرتك تفكك خالص من هم السؤال ده وتأكد انك هتحله هتحله بإذن االله :­D
كل ما عليك انك تتدرب علي مسائل مختلفة وتحل مسائل امتحانات سابقة وتفهم مش تحفظ
وكدة انت عملت اللي عليك وزيادة
تفتكر بعد ما عملت كل ده واستعديت فاضل حاجة تندم عليها انك ماعملتهاش ؟
ماعتقدش ..

منتظرين تعليقاتكم ومشاركتكم ..