6 أشياء عليك تذكّرها في طريقك للنجاح

..طريق النجاح طويل، هندلّك على أهم 6 أشياء لازم تفتكرهم فيه

6 أشياء عليك تذكّرها في طريقك للنجاح..

رحلة النجاح أحيانًا بتكون طويلة و شاقة، بيكون فيها أوقات بتحقق تقدم حقيقي، وأوقات تانية هتكون مليئة بعدم الثقة بالنفس.

دائمًا بيقولوا إن الرحلة للنجاح ليها معنى أكثر و أهم من النجاح ذات نفسه والمكافأة في النهاية، لكن في الرحلة ديه، من السهل يغيب عن بالنا الحاجات المهمة، و نسيب الإحباط يحجب رؤية الطريق اللي عملناه لنفسنا في البداية.

و دول حاجات عملية مهم تفتكرها دائمًا في طريقك لنجاحك و مصيرك.

1- افتكر إن الصبر قوة..

دي حاجة كلنا بنحتاج نفكر نفسنا بيها احيانًا. لأن شيء رائع جدًا إنك تكون شخص طموح و عايز تعمل كل حاجة تقدر عليها كل يوم علشان تحقق تقدم أكثر لنفسك ،لكن في نفس الوقت، لازم تكون عارف إنك ممكن تاخد شوية وقت وأحيانًا وقت كتير علشان توصل لوجهتك المطلوبة.

روما متبنتش فى يوم، ولا الشركات الشهيرة زي Facebook,ِِ Apple.

عشان تطلع سلم النجاح ممكن تاخد شهور أو سنين أو عقود ، و حتي لما تفتكر إنك خلاص طلعت ممكن تلاقي درجات زيادة من السلم جاية تفاجئك و عقبات تانية بتواجهك.

الصبر هو القدرة على إنك تفضل إيجابي حتي لما كل حاجة متمشيش زي ما كنت مخطط و حتى لما خطتك تفشل. فمن غير الصبر، أنت بتخاطر أنك متحققش أى حاجة, بالصبر و التأني هتفوز السباق.

2- افتكر إن النجاح يتطلب العمل..

على حسب قانون نيوتن الثالث للجاذبية، لكل فعل رد فعل مساوٍ له. أنا أؤمن إنك بتاخد اللى بتعطيه في الدنيا ديه ،عشان تعمل حاجة لها شأن كبير بتديها أكبر قدر من الجهد. Elon Musk بيقول إن الناس المفروض يشتغلوا من 80-100 ساعة في الإسبوع علشان يحققوا أهدافهم . لكن أغلبنا مش بيشتغل أكثر من 40 ساعة في الإسبوع.؛و ده اللى بيفصل ال 1% الناجحين عن باقي الناس ، إنهم عايزين ينجحوا أكثر من أى حد تاني فينا.

3- افتكر أن أغلب الناس ممكن ميشاركوش معاك رؤيتك..

أنا متأكد إنك لو سألت شوية من أكثر الناس نجاحًا فى العالم لو الناس اللى حواليهم كانوا مؤمنين بأهدافهم في بداية مشوارهم هيقولولك لأ . الناس هيقولولك إنك مش هتقدر تحقق أحلامك، و ده عشان هما قضوا وقت صعب و هما بيتقبلوا فكرة إنهم تخلوا عن أحلامهم و استسلموا. لو أنت فعلًا مقتنع باللي بتعمله ، فرأي الناس مش مهم إطلاقًا.

احنا كبشر، ممكن نتفهم جدًا ازاى الناس بتشوفنا، وممكن يبقي صعب إننا نتقبل النقد ،و ده الجزء المزعج.

الطريقة الوحيدة عشان تتجنب الآراء السلبية هى إنك تكون متوسط . لو عايز متكونش زي الباقيين و ترتفع عنهم، لازم تحب اختلافك.

4- افتكر إن كل شخص لازم يمشي طريقه بنفسه..

من السهل جدًا إنك تبص للناس من فوق و تفتكر أنك بتتعلم أكثر ازاى تبقي ناجح ، ,ولما تعرف معلومات جديدة بتميل لمشاركة رؤيتك مع الآخرين على أمل إنهم "يشوفوا النور" و يتغيروا للأحسن. بتبقي كأنك بتحاول تساعد ، لكن في النهاية كل واحد بيعمل اللى هو "عايز" يعمله. سيب كل واحد يعيش زي ما هو عايز. خليك أنت مثال رائع للي حواليك،خليهم يقتدوا بيك، لو بقوا زيك تمام جدًا ، لو مبقوش، أنت مش هتخسر حاجة !

5- افتكر إن صحابك و عيلتك مهمين..

من السهل إنك تحاط بالمشاريع، وممكن تستغرق ساعات طويلة علشان تحول رؤيتك لحقيقة ،وفي حين إن التركيز مهم علشان تخلي مشروعك ده يُثمر ، إلا أن التركيز الكثير ممكن يعميك عن حاجات تانية مهمة في حياتك.

إيه الممتع في إنك تكون ناجح و معندكش أى حد تشاركه نجاحك ده ! خصص وقت تقضيه مع عيلتك أو صحابك أو أي حد تاني ، مهما كنت مشغول، نظّم وقتك بكفاءة بحيث إنك تقدر تستمتع زي ما تشتغل.

6- افتكر دائمًا هدفك من اللى بتعمله من البداية..

وقت ما تتضايق ، تتعب ، و على وشك إنك تستسلم ، افتكر أنت ليه بدأت تعمل اللى بتعمله ده أيًا كان هو إيه من البداية . أنت بتسعي لإيه؟ هل أنت عايز تقضي أيامك حر بتعمل اللى أنت حابه ؟ أيًا كان السبب ، استخدمه عشان يستمر في تحفيزك .

كتيير مننا بينشغل في جوانب الحاجة اللى عايز يحققها و ينسي هى أصلًا كانت أيه، أو كان بيعمل الحاجة ديه ليه . فمتنساش أبدًا أيه اللي خلاك عالطريق اللى أنت ماشي فيه و اختارته بنفسك. 

ركّز في طريقك وبلاش تشتت نفسك عنه، اسعى وهتشوف نتيجة سعيك ده في النهاية، والله الموفق..

المصدر: 

7 Things To Remember On Your Path To Success, by Ayodeji Awosika