هبطل مذاكرة وأكون انسان بليد .. أنا مختلف

ماتذاكرش ... 

ايوة ماتذاكرش .. اصلا محدش بيحب المذاكرة 

ولا حتي الدحيحة ... تخيل 

المذاكرة مجرد وسيلة عند الدحيحة عشان يوصلوا لغاية معينة

هما بيقدروا يجبروا نفسهم ويتحملوا الظروف عشان يوصلوا لهدفهم ;­)

انت مش قادر 

او مش عايز :­\

اذا ماتذاكرش .. ماتضغطش علي نفسك وتعمل حاجة انت مش عايزها ومش مستمتع بيها

هتتعب فيها وهتقضي شبابك في نفسية زي الزفت

تفتكر ايه اللي ممكن يحصل يعني ؟ 

مش هتنجح .. هتجيب مجموع قليل ! 

مش هتدخل الكلية اللي بتحلم بيها

هتدخل كلية مش حاببها 

مش  هتستمتع بأحلى سنين عمرك 

هتشتغل شغلانة مش عايزها

يمكن ماتقدرش تتجوز الانسان/ة اللي بتحلم بيه/ا 

عشان متذاكرش بضمير في سنة واحدة من عمرك 

ثانية ثانية ثانية 

كل ده ليه ؟! 

وماتذاكرش ليه ؟! 

تريح نفسك من خنقة المذاكرة !! 

هتتعب باقي عمرك كله وتضيع سنين حياتك عشان كنت بتدلع !! 

تفتكر بعد ما ريحت وبطلت مذاكرة انت كدة استريحيت باقي عمرك

ليه كل ده ؟! 

عملت اللي يرضي ضميرك

مش حاسس انك مقصر! 

مش مكسوف من اهلك من صحابك من مدرسينك .. من نفسك

استفدت ايه لما عملت اللي على مزاجك؟! 

ايه اللي اتغير

اقولك .. حاجات كتير اولهم واهمهم كسرة نفسك ادام نفسك وادام اهلك

لو فشلت فيها هتفتكر فشلك ده في كل مسئولية تقابلك بعد كدة 

لا .. فشلك انك ماعملتش اللي عليك وسلمت امرك Ϳ واخدت بالاسباب

بس بس بس  ... انت لسة ادامك فرصة واتنين وتلاتة 

دي اول سنة في عمرك تشيل فيها مسئولية بجد

فشلك هنا مش معناه انك ماجيبتش مجموع كبير

عارف انت كدة هتبق.... كااااااااااااااات

لسة ادامك وقت

لسة السنة ماخلصتش 

اوعي تفكر انك عشان مش قادر اذاكر اذا مش هذاكر 

مش كل حاجة بنعملها لازم نحبها 

في حاجات بنعملها عشان لازم تتعمل

نموذجين حيين عدوا عليا وكل نموذج منهم اتعلمت منه حاجة

بنت في الدفعة اللي قبلي علي طول ساكنة قريب مني عملت حادثة بشعة قعدت بسببها كذا شهر في المستشفي وكملت كذا شهر تانيين في الببت

ماكانتش بتتحرك من مكانها

كل الفترة دي نايمة عالسرير وهي كانت في ثانوية عامة وقتها

قسما باͿ كانت بتذاكر وبتخلي خد يقرالها من الكتب واتفقت مع صحابها يسجلوا الحصص وييجوا يدوهالها

فضلت في الحالة دي من شهر 11 لشهر 4 علي ما قدرت تنزل من بيتها وتروح المراجعات

البنت دي في طب حاليا والله 

النموذج التاني لواحدة صاحبتي ودفعتي كانت ادبي وكان نفسها تدخل ألسن

جالها مشكلة في احبالها الصوتية ماكنتش بتقدر تتكلم بصوت واضح

حالتها النفسية ساءت جدا واسودت الدنيا في وشها واهملت في مذاكرتها كنتيجة طبيعية لحالتها

ربنا ما أكرمهاش بمجموع ودخلت حقوق بالزور

هي حاليا حالتها اسوأ من الاول برغم انها تعافت من المرض 

بس حالتها سيئة جدا من الندم انها ماعافرتش وماصبرتش علي بلائها :­\

كل واحدة منهم كان ليها ظروفها واعذارها عشان ماتجيبش مجموع كويس

هنا بس تبان إرادة وايمان كل واحد بربه وبهدفه وقدرته علي المعافرة برغم كل شيء 

المذاكرة مش بس مجرد وسيلة عشان توصل لغاية كبيرة وهدف بالنسبالك

انت حجتك ايه ؟ شايفها مقنعة كفاية ؟ 

المذاكرة أكبر من كده بكتير بس احنا اللي غيرنا معناها وحولناها لبعبع

ماتفكرش انا المفروض اذاكر ليه

فكر انا لو ماذاكرتش ممكن يحصل ايه ؟؟! 




شاركنا بـ#كومنت ومتنساش تعمل #شير لصحابك