عندما تصبح انت مركز التحكم فى انفعالاتك. Internal locus of control.

عندما تصبح انت مركز التحكم فى انفعالاتك. 
Internal locus of control.
يعنى إيه أصلا ؟!!..
بص يا سيدى / يا ستى ..
معناه انك تبقى قوتك ومصدر تحكمك فى مشاعرك وعواطفك داخلى ..
يعنى لما حد يجى يقولك مثلا أن السنة دى صعبة أوى ..أو أن المادة دى مش  بتخلص والكلام إياه اللى كلنا عارفينه ده ..
تروح انت بقى بيتكم بعد الكلمتين الحلوين دول متعرفش تذاكر .. وبعدين تقعد متضايق  وتقول اللى حواليا هما السبب ..وتحس إنك معدش ليك كنترول على أفكارك ولا مشاعرك لأن الآخرين بكلامهم هما اللى بيأثر وا عليك ..
مثال تانى بردة أن مدرس مثلا يعملك امتحان ..وتجيب فيه درجة مش كويسة بدل ما تقول أنا اللى مزاكرتش  ..
تقعد تقول الامتحان هو اللى صعب والمسائل معقدة والمناهج كبيرة ..
كده انت بقى عندك External locus of control 
اللى هى عكس عنوان المقالة دى ..
أصبحت انت كشخص مش متحمل مسؤولية أى حاجه ..لا أفكارك ولا مشاعرك ولا حتى درجاتك. .عايش دايما وشايف الناس والظروف هما السبب فى كل اللى بيحصلك. .
رغم أنك لو بصيت حواليك كويس هتلاقى ناس ناجحة فى ظروف أصعب من اللى إنتا فيها وده لأنهم ببساطه حملوا نفسهم مسؤولية حياتهم ..شافوا نفسهم  كبار بما فيه الكفاية إنهم ميسيبوش أى حاجه أو أى حد يأثر عليهم .
كل ما كان الإنسان قادر على أنه يتحكم فى مسار حياته ومجريات الأمور فيها وشايف نفسه مسؤول عن كل اللى بيحصله هيقدر يقف مع نفسه من وقت للتانى  علشان يصلح من اخطاؤه  ..لأنه شايف انه مسؤول عنها مش اللى حواليه هو اللى خلاه يغلط ..
ومش هيكره اللى حواليه وقت ما يحس نفسه ضحية ليهم ..
أضعف وأفشل إنسان هو اللى ماشى بمبدأ (هما اللى نرفزونى) .. (هما اللى وترونى ) .. (المادة هى اللى صعبة ) 
مواجهة النفس دى وتحمل مسؤوليتها. .عاوزة قوة وشجاعة ..حاول تمتلكها وتكون قد المسؤولية دى ..تكون قد مسؤولية انك عايش اصلا ..
انظر إلى صفوف الناجحين ؛ لن تجد منهم من يلعن الأقدار على ما لم تعطه إياه، ولم يحمل الآخرين مسؤولية فشله .

لو عجبك المقال #شير وفيد غيرك