وقت مراجعة الثانوية العامة .. ازاى تراجع ؟

المراجعة
وقت المراجعات قرب وكله بيسأل الدنيا هتمشي ازاي
احضر المراجعات ولا اراجع لوحدي في البيت ؟
اجيب كام كتاب مراجعة ؟
اراجع ازاي اصلا ؟
اراجع كام مرة ؟
وهكذا ....
وقت المراجعة سواء هتحضر المحاضرات او لا الاساس فيها انك تحل كتير ... كتير جدا
قبل اي حاجة اسأل نفسك بمنتهي الصراحة ... هل هتقدر تسيطر علي نفسك وتلم المنهج لوحدك ؟
لو اه يبقي اقعد في بيتك راجع المنهج وحل عليه مع نفسك بجانب ملازم المراجعة بتاعة مدرسك
ولو لا وهتكسل اذن احضر المراجعات وحل مع مدرسك عشان يحافظ علي رتمك في المذاكرة
بردو كل مدرس بيختلف عن تاني افهم هو ايه خطته الأول عشان مايفوتكش حاجة مهمة
كتب المراجعة مش مهمة للدرجة مقارنة بالأساس اللي عندك
لو عندك كتاب خارجي قوي واسألته متنوعة بجانب ملازم المدرس وامتحانات سابقة اذن كدة كويس جدا جدا ... كتب المراجعة مش
هتضيف كتير
بلاش تسأل المفروض اكون مراجع كام مرة عشان بتختلف من حد للتاني
علي الاقل تكون مراجعة مرتين وتطبق بحل كتييير لأن هو اللي هيثبت المعلومة في دماغك
اما تتسأل في الامتحان هيجيلك المنهج علي شكل اسألة مش شرح اذن لازم تكون متدرب علي شكل السؤال
وانت بتراجع المنهج من اوله ذاكره مرة واحدة من كتاب الشرح وبعدين حل واللي يقف ادامك ارجع ذاكره وكمل حل تاني واي أسئلة او
أجزاء من المنهج مش فاهمها جمعها وروح بيها للمدرس بتاعك وماتمشيش الا اما تفهم كل جزئية
دايما حط في دماغك ان وارد المرة اللي انت بتذاكر فيها درس معين تكون اخر مرة .... ذاكرها باتقان كأنها اخر مرة فعلا
ابعد عن صحابك قرايبك موبايلك اي حاجة ممكن تشغلك مهما كانت مهمة
وقت المراجعات بيعدي هوا محدش بيحس بيه حافظ علي كل دقيقة ومهما كنت متأخر ومش ادامك وقت كتير واالله تلحق توصل
للمجموع اللي انت عايزه طالما اشتغلت الوقت اللي فاضل بضمير

لو الموضوع عجبك متنساش تعمل #شير وتفيد غيرك