تفاعل ذرة الكربون والتهجين

طبعا كلنا بندرس الكيمياء العضويه وعارفين هي اد ايه مهمه في حياتنا لانها بتدخل في كل حاجه بنستخدمها بالاضافه ان التفاعلات الي بتحصل داخل جسمنا وبتخلينا عايشين كلها تفاعلات مركبات عضويه …

وطبعا ذره الكربون هي العنصر الاساسي والرئيسي في اي مركب عضوي  

طيب هل فكرنا قبل ازاي ذره الكربون بتتفاعل مع غيرها من العناصر وتكون مركبات غايه في الاهميه ؟!

النهارده احنا هنتكلم عن تفاعل ذره الكربون وازاي بتكون الروابط

في البدايه  ذره الكربون موجود في الغلاف الخارجي لها 4 الكترونات ودول بنسميهم الكترونات التكافؤ الي من خلالها ذره الكربون بتتفاعل مع غيرها .

الاربعه الكترونات موجوده في المستوي الرئيسي الثاني L والمستوي L بيحتوي علي مستويين فرعين s ,p فالالكترونات بتتوزع بالشكل ده اما ال 1s فده بيكون داخل المستوي k

يعني بيتم توزيع الاكترونات في المستويات الفرعيه كالتالي

1S2 , 2S^2 ,2P^2

من خلال اننا عرفنا التوزيع الاكتروني للكربون نبدا رحلتنا في تفاعلات ذره الكربون

ذره الكربون بتتميز بانها تقدر تتفاعل باشكال كتيره جدا مع العناصر ممكن

• ممكن برابطه احاديه زي ارتباطها بالهيدروجين
• رابطه ثنائيه  زي ارتباط الكربون مع الاكسجين
• رابطه ثلاثيه وده يبان في ارتباطها مع النيتروجين
• رابطه رباعيه وده نلاقيه في تفاعل ذرات الكربون وبعضها

لما العلماء كانوا بيدرسوا ذره الكربون وجدوا ان روابط بتاعتها شبه بعض علي الرغم ان بالتوزيع الاكتروني للكربون بيبين وجود الكترونين في 2s والكترونين في 2p فلازم يكون الروابط مختلفه بس الواقع بينفي ده روابط الكربون متشابهه

ومن هنا كانت بدايه ما يسمي بالتهجين

بدايه ذره الكربون بتقوم بما يسمي بالترقيه وديه عمليه تسبق الهجين  يعني يبدا الكترون من 2S ويروح للاوربيتال 2Pz علشان يكون التوزيع كتالي :

ثم تبدا عمليه التهجين وده بيتوقف علي ذره الكربون هتتفاعل مع ايه لو افترضنا اننا عايزين نشوف ازاي مركب الميثان CH4  

وهنا بيكون التهجين من النوع sp^3 يعني ايه ؟!

يعني بيتم تهجين الاوربيتال s مع ثلاث اوربيتالات من p  

ويعمل اربع اوربيتالات مهجنه sp^3  

كل اوربيتال مهجن يحتوي علي الكترون بيكون بيه رابطه والروابط الي بتتكون من الاوربيتالات بتكون من النوع سيجما وهي روابط قويه

اذن عندنا اربع روابط بترتبط بيهم ذره الكربون مع اربع ذرات هيدروجين لتكوين مركب الميثان   

وده بيكون ليه بعض الخصائص

1- الزوايا في الفراغ بين الاوربيتال والاخر بتكون 109.5

2- شكل المركب في الفراغ بيكون هرمي رباعي يعني ليه 4 اوجه

3- كل الروابط في التهجين ال sp^3 بتكون سيجما  

لو استفدت من المقال اعمل #شير وفيد غيرك